Skip to content Skip to footer

Tshaka Dza Zwirendo

Tshaka Dza Zwirendo

Hafha, ri kho u guda nga ha vhurendi, na tshaka dza zwirendo, kha luambo lwa Tshivenda.

Vhurendi ndi tshifhiwa kana mpho i so ngo fhiwaho vho muthu munzhi. Vhurendi ndi kale vhu hone.

Vhurendi vhu shumiswa kha:

  • U rabela na ukhoda vhadzimu
  • U khoda mahosi
  • U khoda zwifuwo, dzithavha, milambo, na zwinwe
  • U bvisela kana u tasulula vhu dipfiwa hamuthu, nga murahu ha musi o kwamea kana o ritheya nga zwe a vhona, upfa, kana uhumbula.

Vhurendi ndi mini?

Vhurendi zwavhudivhudi, ndi u hwelwa nga vhupfa vhune ha dela muthu a songo humbela. Vhupfa honovhu u fanela u vhu bvisela nnda nga ndila ya maipfi uri vhanwe vhathu vha kone u pfa zwine murendi a khou zwi pfa. Zweneszwi zwi nga vha vhutungu kana dakalo la henefho hune a diwana e hone.

Ri nga di dovha ra dzhia vhurendi hu u gubunyea ha zwine murendi a khou zwi pfa, nga ndila ya maipfi.

Murendi ha lengi u kwamea nga zwi no kou itea khae tsini nae. Murendi u dovha a kona u vhona zwo dzumbamaho kha Vhanwe vhathu. Nga inwe ndila ri nga ri, u tavhanya u vhona zwi-ne vhathu vhanzhi vha si zwi vhone.

Vhanwe vha dzhia murendi sa ito li sedzaho na u bvukulula vhuvhi hothe vhune vhavhusi na muvhuso wavho vha ita. Tshawe ndi u huwelela NGOHO fhedzi.

Tshaka Dza Vhurendi na Matavhi

Hafha ri sengulusa matavhi a zwirendo na tshaka dza vhurendi. Matavhi na tshaka asi zwithu zwithihi.

Matavhi a Zwirendo

Vhurendi vhu na matavhi matanu, ane ndi a tevhelaho:

  • Vhurendi ha tshikale
  • Vhurendi ha musalauno
  • Zwidade
  • Zwikhodo
  • Vhurendi ha u gwalaba

Tshaka dza Zwirendo

Tshaka dza zwirendo, ndi dzi tevhelaho:

  • Liriki (Lyric): Itshi ndi tshirendo isho itelwaho u imbiwa
  • Oudu (Ode): Itshi tshi nwalewa u humbula kana u elelwa munwe muthu o itaho zwivhuya kana u humbula zwo vhuyaho zwa itea.
  • Ephiki (Epic): Ndi tshirendo tsha thalutshedzo tshine tsha talutshedza zwithu, nga vhulapfu.
  • Eledzhi (Elegy): Ndi tshirendo tshi nwalwaho hu u sumbedza u lila kana ulilisa. Tshirendo tsha eledzhi tshi anzelwa u nwalelwa lufu lu thompheyaho.
  • Alegori (Allegory): Ndi tshirendo tshilapfu tsho nwalwaho u funza vhathu ndila yo teyaho ya kutshilele kana nga zwa vhureleli.

Leave a comment