Hafha ri do guda nga ha kunwalele kwa “Nganea Vhutshilo” ya mufu.
Nganea Vhutshilo Ya Mufu Ndi mini?
Nganea Vhutshilo ya mufu ndi zwidodombedzwa nga ha mufu zwine zwa katela ḓivhazwakale yawe na zwoṱhe zwa ndeme zwi mu kwamaho. Nganeavhutshilo ya mufu i tea u tevhedza zwiṅwe na zwiṅwe zwa ndeme nga nḓila yo lugaho.
Zwiga zwa Ndeme Kha Nganeavhutshilo ya Mufu
- Pfufhi: Yo fanela u vha pfufhi nahone i tshi nanga fhedzi zwiga zwa ndeme.
- Mabebo: I tea u katela zwidodombedzwa zwa mabebo, zwi ngaho fhethu na datumu.
- Zwiga zwa ndeme zwa mufu: U katela zwoṱhe zwa ndeme zwi tshimbidzanaho na mufu.
- Pfunzo na Mvelaphanḓa: I tea u katela zwidodombedzwa nga ha pfunzo na u shela mulenzhe kha mvelaphanḓa ya lushaka.
- Muṱa: I tea u amba nga ha muṱa wa mufu, hu nga vha mufumakadzi, vhana, na vha bebi vho salaho.
Tsumbo ya Nganeavhutshilo ya Mufu
NGANEAVHUTSHILO YA MUFU: MAGEKHA ELIAS MUNERI
Magekha Elias Muneri ndi ṅwana wa Vho Tshinakaho na Vho Ratshili Muneri. O bebwa nga dzi 05 Phando 1960 kha ḽa ha Nthabalala.
O ḓo phasa Gireidi 12 nahone a isa phanḓa na pfunzo ngei Yunivesithi ya Venḓa, he a phasa pfunzo dza vhudededzi. O vha e muraḓo wo khwaṱhaho kha tshigwada tsha vhaswa kerekeni ngei Vosloorus.
O mbo ḓi thomiwa nga vhulwadze ha N1H1 musi a tshi vhuya seli ha lwanzhe Amerika. Vhulwadze ho mbo ḓi bala nga ḽa 30 Khubvumedzi 2009 e vhuongeloni ha Union.
O sia mufumakadzi, vhana vhararu, khaladzi mbili na vhabebi vhawe vhoṱhe.
A lale nga mulalo, Muṱavhatsindi.